IELTS
IELTS (International English Language Testing System)
Их Британи Консулын газар, Кэмбриджийн Их сургууль, IDP Education зэрэг байгууллагуудаас зохион байгуулж авдаг олон улсад бүрэн хүлээн зөвшөөрөгдсөн Англи хэлний шалгалт юм.
IELTS-н шалгалтын оноо нь 2 жилийн хугацаанд хүчин төгөлдөр байдаг.
Тус шалгалт нь IELTS academic болон IELTS general гэсэн 2 үндсэн төрөлтэй:
Ерөнхий IELTS-ийн шалгалт
Энэхүү шалгалт нь гадаадад цагаачлах болон ажиллах гэж байгаа хүмүүст зориулсан ерөнхий Англи хэлний мэдлэгийн шалгалт юм. Австрали , Канад, Шинэ Зеланд руу шилжин суурьшиж амьдрах, ажиллах хүсэлтэй байгаа хүмүүс Ерөнхий EILTS-ийн шалгалтыг өгдөг.
Академик IELTS-ийн шалгалт
Академик шалгалт нь гадаадын их дээд сургууль, коллеж, сургалтын төвүүдэд суралцах сонирхолтой хүмүүст зориулагдсан байдаг. Энэхүү шалгалтыг өгснөөрөө Англи хэлтэй аль ч улсын их дээд сургуульд бакалавр, магистр болон докторын хүссэн зэргээрээ суралцах боломжтой.
Академик IELTS-н шалгалтын оноог Австрали, Их Британи, Канад, Ирланд, Шинэ Зеланд зэрэг орнуудад түгээмэл хүлээн зөвшөөрдөг. Мөн АНУ-н 3000 гаруй их дээд сургуулиудад тус шалгалтын оноогоор элсэн орох боломжтой.
TOEFL
Энэхүү шалгалт нь эх хэл нь англи хэл бус орны иргэдэд зориулсан англи хэлний түвшин тогтоох шалгалт юм.
Америкийн Нью Жерси мужийн Принстоны Education Testing Service (ETS) хэмээх боловсролын байгууллагаас TOEFL -ийн шалгалтыг зохион байгуулж авдаг.
ETS буюу боловсролын тестийн байгууллага энэ шалгалтыг 1965 оноос эхлэн авч эхэлсэн. Жил болгон TOEFL ийн шалгалтыг дэхий дээр 1250 гаруй тестийн төвд бараг 1 сая хүн өгдөг юм. АНУ болон Канадын 2500 орчим коллеж болон их сургууль нь англи хэлээр ярьдаггүй орнуудын оюутнуудаас тухайн сургуульд элсэх нэг шалгуур болгож энэхүү шалгалтыг авдаг юм.
2 төрлийн TOEFL test байдаг. IBT (Internet Based Test)- Интернетэд суурилсан тест бөгөөд дэлхийн ихэнхи оронд үүнийг хүлээн зөвшөөрдөг .PBT (Paper Based Test)- Интернетээр тэст өгөх боломжгүй газруудад цаасан дээр бичгээр авдаг тест тайвань , сингапур гэх мэт орнуудад хүлээн зөвшөөрдөг.
