Дорсет коллеж хотын төвд байршилтай, тохилог орчинтой, багш нарын заах ур чадвар нь сайн байгаа нь их таалагдаж байна. Би аангли хэлнийхээ түвшинг сайжруулсны дараа коллежид суралцаж мэргэжил эзэмшихээр төлөвлөж байгаа болохоор тус коллеж миний шаардлагад бүрэн нийцэж байгаа. Ирландад  боловсрол эзэмшээд мэргэжлийнхээ чиглэлээр хувийн компаниа байгуулаад улмаар хамт суралцаж төгссөн олон орны найзуудтайгаа харилцаатай байж гадаадын зах зээлд бизнесээ өргөжүүлэн ажиллах мөрөөдөлтэй байгаа.

Ирланд улс нь 2021 оны байдлаар нийгмийн эрүүл мэндийн үйлчилгээний талаарх олон нийтийн сэтгэл ханамжийн судалгаагаар хамгийн өндөр үзүүлэлттэй гарсан орон буюу хэвтэн эмчлүүлэгчийн 85%, эмнэлгээс гадуурхи эмчилгээний сэтгэл ханамж 90% мөн өрхийн эмнэлгийн үйлчилгээгээр 97% сэтгэл ханамжтай гэсэн үзүүлэлт гарсан улс учир миний сонирхлыг татаж сонголтоо хийн Бабел академид суралцаж байна. Ирланд улсад ирж суралцахад минь гол туслалцаа үзүүлсэн Эдүмастер компанийн хамт олонд талархалаа илэрхийлье.

Эдүмастер компанийн ажилтнууд эелдэг найрсаг харилцаатай, яг өөрсдийн дүү шиг зөвлөж визний материал бүрдүүлэлтийг хийж өгч, Ирланд улсын цаг агаар, онцлог, очоод хэрхэн амьдрах талаарх зөвлөгөөг харамгүй өгч тусалсан. Түүнчлэн IELTS, TOFEL-ийн шалгалтуудад бэлдэх ангиудтай байгаа нь цаашдын мэргэжлийн түвшингээ ахиулж суралцах хүсэл зорилгод минь бүрэн нийцэж байгаа. Ирландад олон орны хүмүүстэй уулзаж танилцан тэдний соёл, хувь хүний хөгжлөөс суралцах нь амьдралд тулгарах олон асуудлыг олон өнцгөөс харж зөв шийдвэрлэх, таних ухаанд сурах үнэт боломж гэж бодож хичээн суралцаж байна.

Эдүмастер компаниар зуучлуулан Ирландын ICOT college-д суралцаж байгаа Мөнхгэрэлийн Билгүүн байна. Эдүмастер компанийн эгч нарын тусламжтайгаар ирээдүйд гарааны компаниа байгуулж, олон улсын мэдээллийн технологийн компаниудтай хамтран ажиллаж, жижиг мобайл аппликейшнүүдийг хөгжүүлэх программ боловсруулах ажлыг Монголын тал нутгаас онлайнаар гүйцэтгэхийг хүсдэг мөрөөдөлдөө хүрэх зам минь нэг алхам урагшилсанд баяртай байна. Энэ компанийн ажилтнууд чин сэтгэлээсээ хандаж зөвлөгөө өгдөг нь үнэхээр сайхан санагдаж итгэлтэйгээр зуучлуулсан.